Post Details

MAHAKAMA YATOA TAHADHARI KUHUSU UGONJWA WA KORONA

Published By:Mary C. Gwera

JAMHURI YA MUUNGANO WA TANZANIA

MAHAKAMA

              

TAARIFA KWA UMMA

TAHADHARI YA UGONJWA WA KORONA.

Dar es Salaam: Machi 18, 2020

Watumishi wa Mahakama na wananchi wote.

Kama mnavyofahamu ugonjwa wa COVID-19 unaenea kwa kasi duniani. Kwa hapa nchini tayari imeshathibitishwa kuwepo kwa ugonjwa huu. Lakini pia katika nchi jirani za Kenya na Rwanda kuna taarifa za kuongozeka kwa wagonjwa wa “Corona Virus”. Mahakama ya Tanzania inaungana na Serikali katika mapambano dhidi ya ugonjwa huu.

Hivyo; Uongozi wa Mahakama unawataka Watumishi, wateja wa Mahakama na wananchi kwa ujumla kuzingatia yafuatayo:-

  • Endapo wewe sio sehemu ya kesi/shauri unaombwa kutohudhuria katika kesi hadi hapo itakapo tangazwa vinginevyo.
  • Kila mmoja (watumishi na wadau) kabla ya kuingia kwenye ofisi au kumbi za Mahakama anatakiwa kunawa mikono na kujipaka dawa maalum (sanitizer) ambazo zitakuwa zimeweka katika milango au mageti ya Mahakama husika.
  • Epuka kusalimiana kwa kushikana mikono, kukumbatiana au kubusiana.
  • Tafadhali zingatia tahadhari nyingine ambazo zimetolewa na Wizara ya Afya, Maendeleo ya Jamii, Wazee, Jinsia na Watoto.

Imetolewa na:                 

                              Wanyenda Ph. Kutta

                                     Kny: Mtendaji Mkuu,

                                   Mahakama ya Tanzania

Comments (2)

  • Photo Loading... Julieth kiwelu

    Kweli kabsa

    20-03-2020
  • Photo Loading... Saidi Edward

    Hiyo ni sawa kabisa

    14-04-2020

Leave a Comment